విజయ్ ఆంటోనీ హీరోగా నటిస్తూ స్వీయదర్శకత్వంలో రూపొందించిన సినిమా ‘బిచ్చగాడు2’. కావ్య థాపర్ హీరోయిన్ గా నటించిన ఈ మూవీ ఈ నెల 17న విడుదల కాబోతోంది. ఇప్పటికే విడుదలైన పాటలు, టీజర్ తో పాటు ట్రైలర్ తో ఈ చిత్రంపై భారీ అంచనాలు ఏర్పడ్డాయి. విజయ్ ఆంటోనీ సినిమా అంటే మంచి ఎంటర్టైన్మెంట్ తో పాటు సోషల్ మెసేజ్ కూడా ఉంటుంది. ఈ చిత్రం కూడా ఆ తరహాలోనే ఉండబోతోందని బికిలీ సాంగ్ తో అర్థమైంది. ఇక లేటెస్ట్ గా బిచ్చగాడు2 నుంచి లో స్పెషల్ సాంగ్ ను విడుదల చేశారు.
భాషా శ్రీ రాసిన ఈ గీతాన్ని గీతా మాధురి ఆలపించింది. విజయ్ ఆంటోనీయే సంగీతాన్ని అందించాడు. హీరోకు సంబంధించి ఓ డిఫరెంట్ సిట్యుయేషన్ లో వచ్చే పాటలా ఉందీ గీతం.
‘బుర్జ్ ఖలీఫ్ సొగలుసు, ఈ హబీబ్ తళుకులు.. అందుకోర పరిచా నీకు సయ్యా.. లేత లేత పెదవులు ఈ ఖర్చూర వలపులు.. తరిగిపోతే తిరిగిరాదు మియ్యా” అంటూ సాగే ఈ గీతంలో భిన్నమైన సాహిత్యం కనిపిస్తుది. సాహిత్యంలో శబ్దానికి ప్రాధాన్యం కనిపిస్తుంది. ట్యూన్ కూడా చాలా క్యాచీగా ఉంది. వినగానే ఆకట్టుకునేలా ఈ సాంగ్ ఈ మధ్య కాలంలో వచ్చిన ఐటమ్ సాంగ్స్ లో స్పెషల్ గా కనిపిస్తుంది.
ఈ నెల 17న విడుదల కాబోతోన్న బిచ్చగాడు2 చిత్రంలో
తారాగణం:
విజయ్ ఆంటోని, కావ్య థాపర్, దాతో రాధా రవి, వై.జి. మహేంద్రన్, మన్సూర్ అలీ ఖాన్, హరీష్ పెరడి, జాన్ విజయ్, దేవ్ గిల్, యోగి బాబు తదితరులు.
సాంకేతిక నిపుణులు:
ఎడిటర్ : విజయ్ ఆంటోనీ
సంగీతం : విజయ్ ఆంటోనీ
సినిమాటోగ్రాఫర్స్ : విజయ్ మిల్టన్, ఓమ్ ప్రకాష్
ఆర్ట్ డైరెక్టర్ : ఆరుసామి
యాక్షన్ : రాజశేఖర్, మహేష్ మాథ్యూ
రచయితలు : విజయ్ ఆంటోనీ, కె పళని, పాల్ ఆంటోని
పి.ఆర్.ఓ : జిఎస్కే మీడియా
నిర్మాత : ఫాతిమా విజయ్ ఆంటోని
దర్శకుడు : విజయ్ ఆంటోని
