వైవిధ్య‌మైన పాత్ర‌లో న‌టుడిగా త‌న‌కంటూ గుర్తింపు సంపాదించుకున్న నవీన్ పొలిశెట్టి, స్టార్ హీరోయిన్ అనుష్క శెట్టి కాంబినేష‌న్‌లో రూపొందుతోన్న ఫ్యామిలీ ఎంటర్టైనర్ ‘మిస్ శెట్టి మిస్టర్ పోలిశెట్టి’. ప్ర‌ముఖ నిర్మాణ యువీ క్రియేషన్స్ బ్యానర్పై మ‌హేష్ బాబు.పి ద‌ర్శ‌క‌త్వంలో వంశీ, ప్రమోద్ నిర్మిస్తున్నారు. ఈ సినిమా వరల్డ్ వైడ్‌గా ఆగస్ట్ 4న తెలుగు, త‌మిళ, క‌న్న‌డ, మ‌ల‌యాళ భాష‌ల్లో గ్రాండ్ రిలీజ్ కానుంది. ప్రస్తుతం ఈ సినిమా ప్రమోషన్స్‌లో యూనిట్ దూకుడు పెంచేసింది.
ఇప్పటికే రిలీజ్ చేసిన టీజర్, పాటలకు మంచి స్పందన వచ్చిన సంగతి తెలిసిందే. స్టార్ హీరో ధనుష్ పాడిన పాట చార్ట్ బస్టర్‌గా నిలిచింది. ఈ క్ర‌మంలో తాజాగా సినిమా రిలీజ్ డేట్‌ను మేక‌ర్స్ అనౌన్స్ చేశారు. ఈ మేరకు రిలీజ్ చేసిన పోస్టర్‌లు అందరినీ ఆకట్టుకున్నాయి.
తాజాగా ఈ మూవీ నుంచి మరో అప్డేట్‌ను మేకర్లు ఇచ్చారు. ఈ చిత్రం నుంచి మూడో పాటను విడుదల చేయబోతోన్నట్టుగా ప్రకటించారు. లేడీ లక్ అంటూ సాగే ఈ థర్డ్ సింగిల్‌ను జూలై 7న రిలీజ్ చేస్తామని మేకర్లు ఓ పోస్టర్‌ను రిలీజ్ చేశారు. ఈ పోస్టర్‌లో అనుష్క, నవీన్ పొలిశెట్టిలు ఎంతో స్టైలీష్‌గా కనిపిస్తున్నారు.
అన్విత ర‌వళి శెట్టి పాత్ర‌లో అనుష్క.. స్టాండ‌ప్ క‌మెడియ‌న్‌ సిద్ధు పొలిశెట్టి పాత్ర‌లో నవీన్ పొలిశెట్టి పాత్ర‌లు మ‌న‌సుల‌ను హ‌త్తుకునేలా రూపొందించినట్టుగా కనిపిస్తోంది. తెలుగు, త‌మిళ, క‌న్న‌డ, మ‌ల‌యాళ భాష‌ల్లో ఆగస్ట్ 4న ఈ చిత్రం విడుద‌ల‌కాబోతోంది.
న‌టీన‌టులు:
నవీన్ పొలిశెట్టి, అనుష్క శెట్టి
సాంకేతిక బృందం
బ్యాన‌ర్‌: యువీ క్రియేషన్స్
నిర్మాత‌లు: వంశీ – ప్రమోద్
ర‌చ‌న, ద‌ర్శ‌క‌త్వం: మ‌హేష్ బాబు.పి
సినిమాటోగ్ర‌ఫీ: నిర‌వ్ షా
కొరియోగ్ర‌ఫీ: రాజు సుంద‌రం
ప్రొడ‌క్ష‌న్ డిజైన‌ర్‌: రాజీవ‌న్‌
వి.ఎఫ్‌.ఎక్స్ సూప‌ర్ వైజ‌ర్‌: రాఘ‌వ్ త‌మ్మారెడ్డి
