బ్లాక్ బస్టర్ “మత్తు వదలరా”కి సీక్వెల్ అయిన “మత్తు వదలరా 2” త్వరలోనే ప్రేక్షకులను అలరించడానికి సిద్ధంగా ఉంది. ఈ చిత్రంలో శ్రీ సింహ కోడూరి ప్రధాన పాత్రలో నటించగా, సత్య ఆయన సైడ్ కిక్‌గా కనిపించనున్నాడు. దర్శకుడు రితేష్ రానా ఈ చిత్రానికి దర్శకత్వం వహిస్తున్నారు, మరియు హీరోయిన్‌గా ఫరియా అబ్దుల్లా నటిస్తోంది. మైత్రీ మూవీ మేకర్స్ సమర్పణలో, క్లాప్ ఎంటర్‌టైన్‌మెంట్ బ్యానర్‌పై చిరంజీవి (చెర్రీ), హేమలత పెదమల్లు ఈ చిత్రాన్ని నిర్మిస్తున్నారు.
ఇటీవల విడుదలైన టీజర్ భారీగా హైప్ క్రియేట్ చేసింది. ఈ చిత్రం సెప్టెంబర్ 13న ప్రేక్షకుల ముందుకు రానుంది. ఈ సందర్భంలో హీరో శ్రీ సింహ విలేకరుల సమావేశంలో పలు ఆసక్తికర విషయాలను పంచుకున్నారు.
“మత్తు వదలరా 2” ప్రిపరేషన్ ఎలా జరిగింది?
– బాగా జరిగింది. పాత్రల స్టైలింగ్, గెటప్ పూర్తిగా మారాయి. “హీ” టీం ఏజెంట్లుగా చూపించాం, ఫస్ట్ పార్ట్‌తో పోలిస్తే యాక్షన్ సీన్స్ చాలా ఎక్కువ ఉంటాయి.
“మత్తు వదలరా 2” ఆలోచన మొదటి నుంచే ఉందా?
– ఫస్ట్ పార్ట్ హిట్ అయిన తర్వాతే సీక్వెల్ చేయాలనిపించింది. రితేష్ గారు గత ఏడాదే స్క్రిప్ట్‌ను రాయడం ప్రారంభించారు.
సీక్వెల్‌పై ఒత్తిడి ఉందా?
– సీక్వెల్ తీస్తున్నప్పుడు ఒత్తిడి ఉండటం సహజమే. కానీ రితేష్ గారికి కథ మొదటి పార్ట్‌కు సహజంగా సరిపడేలా వచ్చింది.
సినిమా విడుదల ముందు సైలెంట్‌గా ఉండటానికి కారణం?
– ఇది ఒక కొత్త వ్యూహం. సినిమా విడుదలకు సమీపంలో ఉన్నప్పుడు మాత్రమే ప్రమోషన్ చేస్తే బజ్ మిగిలి ఉంటుంది. ఈ వ్యూహం బాగా వర్క్ చేసింది.
ప్రభాస్ గారి ట్రైలర్ లాంచ్ రియాక్షన్ ఏంటి?
– ప్రభాస్ గారు ట్రైలర్ మరియు టీజర్ చూసి చాలా ఆనందించారు. ఆయన genuineగా నచ్చినప్పుడు మాత్రమే ఎక్కువ సమయం కేటాయిస్తారు.
ఫారియాతో వర్క్ చేయడం ఎలా అనిపించింది?
– ఫారియా ఫన్నీ క్యారెక్టర్లకు చాలా సెట్ అవుతుంది. ఇందులో యాక్షన్ పాత్రలో కూడా కనిపిస్తుంది.
సీక్వెల్‌కి కూడా మీమ్స్, ట్రెండ్స్ ఉంటాయా?
– ఫస్ట్ పార్ట్‌లో ఉన్నంత వరకు, కొత్త ట్రెండ్స్‌ని కూడా మిక్స్ చేస్తాం.
సత్యతో మీ కాంబినేషన్ ఎలా ఉంటుంది?
– మేం ఫస్ట్ పార్ట్‌లో ఎలాగైతే సహజంగా కనిపించామో, సెకండ్ పార్ట్‌లో కూడా అలాగే కనిపిస్తాం.
రాజమౌళి గారి రియాక్షన్ ఏంటి?
– రాజమౌళి గారికి టీజర్, ట్రైలర్ చాలా నచ్చాయి.
ఫ్రాంచైజ్‌ని కొనసాగించే ఆలోచన ఉందా?
– మత్తు వదలరా ఒక మంచి ఫ్రాంచైజ్‌గా కొనసాగించే అవకాశం ఉంది.
కొత్త ప్రాజెక్ట్స్ ఏమైనా ఉన్నాయా?
– ప్రాజెక్ట్స్ అన్నీ ప్రీ-డెవలప్మెంట్‌లో ఉన్నాయి.
