పాన్ ఇండియా స్టార్ ప్రభాస్ వరుస సినిమాలతో బిజీగా ఉన్నారు. మరో వైపు బాలీవుడ్ భామ కృతి సనన్ తో ప్రభాస్ ప్రేమలో ఉన్నట్టు బాలీవుడ్ సర్కిల్ లో పెద్ద ఎత్తున ప్రచారం జరుగుతోంది. ‘ఆదిపురుష్’ చిత్రంలో ఇద్దరూ జంటగా నటించారు. ఈ సినిమా షూటింగ్ లోనే ఇద్దరి మధ్య ప్రేమాయణం మొదలైందని అంటున్నారు. తాజాగా ఈ అంశంపై కృతి స్పందించింది.
ఒకవేళ ఛాన్స్ వస్తే ప్రభాస్ ను పెళ్లి చేసుకుంటానని కృతి చెప్పింది. ఈ వ్యాఖ్యలు ఇప్పుడు నెట్టింట వైరల్ గా మారాయి. ఇంకోవైపు బాలీవుడ్ హీరో వరుణ్ ధావణ్ కూడా ఈ అంశంపై మాట్లాడుతూ… ప్రభాస్ జీవితంలో కొత్త డార్లింగ్ ఉందని అన్నారు. ప్రభాస్, కృతి ఇద్దరిదీ అందమైన జంట అని కితాబునిచ్చాడు.
మరోవైపు, అనుష్క శెట్టి, ప్రభాస్ లు పెళ్లి చేసుకోబోతున్నారంటూ చాలా కాలంపాటు గతంలో వార్తలు వచ్చిన సంగతి తెలిసిందే.
