టాలీవుడ్‌కు పలు హిట్ చిత్రాలను అందించిన ప్రతిభావంతుడు వీఎన్ ఆదిత్య తన నూతన ప్రాజెక్ట్‌ను తెరకెక్కిస్తున్నారు. ఈ సినిమా ఓ ఎమ్ జీ ప్రొడక్షన్స్ బ్యానర్‌పై, ఏయు & ఐ సమర్పణలో డాక్టర్ మీనాక్షి అనిపిండి నిర్మిస్తున్నారు. ఈ చిత్రంలో ప్రముఖ హీరోయిన్ కేథరీన్ ట్రెసా కీలక పాత్ర పోషిస్తున్నారు. కేథరీన్ పుట్టినరోజు సందర్భంగా స్పెషల్ పోస్టర్‌ను విడుదల చేస్తూ ఆమెకు శుభాకాంక్షలు తెలిపారు. ఈ పోస్టర్‌లో కేథరీన్ అద్భుతంగా కనిపించి ఆకట్టుకుంది.
దర్శకుడు వీఎన్ ఆదిత్య ప్రేక్షకుల అభిరుచికి అనుగుణంగా, బలమైన కథతో ఈ సినిమాను రూపొందిస్తున్నారు. ఈ సినిమాలో వివిధ దేశాల నుండి కొత్త నటీనటులు నటిస్తున్నారు. అమెరికా, స్పెయిన్, ఆఫ్రికా, యూరోప్, ఆసియా దేశాల నటులతో పాటు తమిళ, కన్నడ, తెలుగు సినిమాల ఆర్టిస్టులు కూడా ఇందులో కీలక పాత్రలు పోషించనున్నారు. ఈ సినిమాను డల్లాస్‌లో చిత్రీకరించనున్నారు. త్వరలోనే ఈ థ్రిల్లర్ సినిమాకు సంబంధించిన మరిన్ని వివరాలు వెలువడనున్నాయి.
నటీనటులు – కేథరీన్ ట్రెసా, తదితరులు
సాంకేతిక బృందం :
– బ్యానర్: ఓ ఎమ్ జీ ప్రొడక్షన్స్
– సమర్పణ: ఏయు & ఐ
– పీఆర్ఓ: జీఎస్‌కే మీడియా (సురేష్ – శ్రీనివాస్)
– నిర్మాత: డాక్టర్ మీనాక్షి అనిపిండి
– రచన: పద్మావతి మల్లాది
– స్క్రీన్ ప్లే, దర్శకత్వం: డాక్టర్ వీఎన్ ఆదిత్య
