మ్యాన్ ఆఫ్ మాసెస్ ఎన్టీఆర్ ప్రధాన పాత్రలో నటిస్తున్న భారీ బడ్జెట్ పాన్ ఇండియా చిత్రం ‘దేవర’. ఈ చిత్రానికి కొరటాల శివ దర్శకత్వం వహిస్తున్నారు. నందమూరి కళ్యాణ్ రామ్ సమర్పణలో, ఎన్టీఆర్ ఆర్ట్స్, యువ సుధ ఆర్ట్స్ పతాకాలపై మిక్కిలినేని సుధాకర్ మరియు హరికృష్ణ కె ఈ చిత్రాన్ని నిర్మిస్తున్నారు. ఈ చిత్రంలో బాలీవుడ్ బ్యూటీ జాన్వీ కపూర్ హీరోయిన్‌గా నటిస్తుండగా, బాలీవుడ్ స్టార్ సైఫ్ అలీఖాన్ ఒక ముఖ్యమైన పాత్రలో కనిపించనున్నారు.
‘దేవర’ చిత్రం నుంచి ఇప్పటివరకు విడుదలైన ‘ఫియర్ సాంగ్’ మరియు ‘చుట్టమల్లె’ పాటలు విశేష స్పందన పొందాయి. ఈ పాటలు సినిమాపై ఉన్న అంచనాలను మరింత పెంచాయి. సంగీత దర్శకుడు అనిరుద్ రవిచందర్ కూడా ట్వీట్స్ ద్వారా సినిమాపై ఆసక్తి పెంచుతున్నారు. ఈ నేపథ్యంలో మేకర్స్ తాజాగా ఈ చిత్రం నుంచి ‘దావుడి’ అనే వీడియో సాంగ్‌ను విడుదల చేశారు. ఈ పాటలో ఎన్టీఆర్ ఎనర్జిటిక్ డ్యాన్స్ ప్రేక్షకులను మెప్పించింది. ఈ పాట సినిమా పై అంచనాలను మరింత పెంచింది. అనిరుద్ కంపోజ్ చేసిన ట్యూన్ ప్రతి ఒక్కరినీ డాన్స్ చేయించేలా ఉంది. ఈ పాట వెంటనే చార్ట్ బస్టర్‌గా నిలిచింది.
అనిరుద్ అద్భుతమైన సంగీతం అందించారు. పెప్పీ బీట్స్‌కి ఆయన అందించిన సంగీతం అందరికీ నచ్చింది. రామజోగయ్య శాస్త్రి తెలుగులో రాసిన ఈ పాటను తమిళంలో విఘ్నేష్ శివన్, హిందీలో కౌసర్ మునీర్, కన్నడలో వరదరాజ్ చిక్‌ బల్లాపుర, మలయాళంలో మాన్‌కొంబు గోపాలకృష్ణ రాశారు.
పాటను గానం చేసిన గాయకుల విషయానికి వస్తే, నకాష్ అజీజ్, ఆకాశ తెలుగు, హిందీ, కన్నడ భాషల్లో ఆలపించారు. నకాష్ అజీజ్, రమ్యా బెహ్రా తమిళ, మలయాళంలో పాటను పాడారు. ఈ పాటతో పాన్ ఇండియా ఎక్స్‌పీరియన్స్ మళ్లీ ఏకకృషి అయింది. ఎన్టీఆర్ డ్యాన్స్ మరింత గ్రేస్‌ఫుల్‌గా ఉంది. తారక్, జాన్వీ మధ్య కెమిస్ట్రీ కూడా చాలా బాగా చూపించారు.
ఈ చిత్రాన్ని రెండు భాగాలుగా తీస్తున్నారు. మొదటి భాగం ‘దేవర: పార్ట్ 1’గా సెప్టెంబర్ 27న తెలుగు, తమిళ, హిందీ, మలయాళ, కన్నడ భాషల్లో విడుదల కానుంది. ‘దేవర’లో ప్ర‌కాశ్ రాజ్, శ్రీకాంత్, షైన్ టామ్ చాకో, నరైన్ కీలక పాత్రల్లో కనిపించనున్నారు.
