పీపుల్ మీడియా ఫ్యాక్టరీ బ్యానర్ పై అత్యంత భారీ స్థాయిలో ప్రభాస్ హార్రర్ థ్రిల్లర్ సినిమా రూపొందుతున్న విషయం తెలిసిందే. ఈ మూవీ రెగ్యులర్ షూటింగ్ ని ఇటీవలే సైలెంట్ గా ప్రారంభించి సమయం చిక్కినప్పుడల్లా షూటింగ్ చేస్తూ వెళుతున్నారు.
ఈ మూవీలో ప్రభాస్ కి జోడీగా ముగ్గురు క్రేజీ హీరోయిన్ లు నటించనుండగా ఇప్పటికే ఇద్దరు హీరోయిన్ లని ఫైనల్ చేశారు. తాజాగా మూడవ హీరోయిన్ ని కూడా ఫైనల్ చేసినట్టుగా తెలిసింది. మెయిన్ హీరోయిన్ గా మాళవికా మోహనన్ ని ఎంపిక చేశారు.
ఇక రెండవ నాయికగా నిధి అగర్వాల్ ని ఫైనల్ చేయగా తాజాగా మూడవ నాయికగా రిద్ది కుమార్ ని ఎంపిక చేసినట్టుగా తెలుస్తోంది. రాజ్ తరుణ్ నటించిన ‘లవర్’ సినిమాతో తెలుగు తెరకు పరిచయమైన రిద్ది కుమార్ ఈ ఏడాది విడుదలైన ‘రాధేశ్యామ్ లోనూ ఓ కీలక పాత్రలో నటించింది. ఇప్పడు ఏకంగా ప్రభాస్ కు జోడీగా నటించే ఛాన్స్ ని సొంత చేసుకోవడం గమనార్హం. ఇదిలా వుంటే ఇదే ఏడాది రిద్ది కుమార్ బాలీవుడ్ లోనూ ఎంట్రీ ఇస్తోంది
