చిరంజీవి హీరో గా నటించిన వాల్తేరు వీరయ్య సినిమా నుంచి ఓ పాట నిన్న విడుదలైన విషయం తెలిసిందే. ఆ మాస్ పాటకు ప్రేక్షకులు ఎంతో ఫిదా అయిపోగా ఇప్పుడు బాలకృష్ణ వీర సింహ రెడ్డి సినిమా నుంచి ఓ పాట విడుదల కావడానికి రంగం సిద్ధమైంది.
గోపీచంద్ మలినేని దర్శకత్వం వహిస్తున్న ఈ సినిమాలో, బాలయ్య సరసన నాయికగా శ్రుతి హాసన్ అలరించనుంది. తమన్ ఈ సినిమాకి సంగీతాన్ని అందిస్తున్నాడు. ఆయన అందించిన బాణీల్లో ఫస్టు సింగిల్ ను వదలడానికి ముహూర్తాన్ని ఖరారు చేశారు.
ఈ నెల 25వ తేదీన ఉదయం 10:29 నిమిషాలకు ఫస్టు సింగిల్ ను రిలీజ్ చేయనున్నారు. ‘రాజసం నీ ఇంటి పేరు’ అంటూ ఫస్టు సింగిల్ కొనసాగనుంది. చూస్తుంటే ఇది బాలయ్య ఇంట్రడక్షన్ సాంగ్ అనిపిస్తోంది.
